Fryske Fesper yn de Grutte Tsjerke

Sneintejûn 30 novimber is der wer in Fryske Fesperfiering yn de Grutte Tsjerke fan Ljouwert. De foargonger  is dûmny A.H.Boschma fan de Oase. Tryntsje van der Veer sil de psalmlêzing op har nimme en in foardracht  lêze. Oargelist is Peter van de Zwaag en Theo Boelens soarget foar in muzikale bydrage op de dwersfluit. Meastal spylje Theo en Peter tegearre, hy op de fluit en Peter op it kistoargel. Muzyk is in fêst ûnderdiel fan de fiering en der wurdt in soad soarch oan bestege. It draacht by oan in moai momint  fan ferstiljen en ynkear.

Dizze fesperfiering is al wer de lêste yn dit seizoen. It is ek in wike letter as dat wy wend binne, mar no kinne wy moai stilstean by de earste advintssnein: útsjen nei it Ljocht dat komme sil yn dizze donkere dagen foar it Krysfeest. Yn desimber is der gjin fiering.

Graach fiere wy dizze fesper mei jimme, sawol yn de Grutte Tsjerke as fia de webside fan de Jakobiner.
Dat kin ek op in letter tiidstip: www.jacobijner.nl. De oarder fan tsjinst kin opfrege wurde by fryskefesper@gmail.com.
Wa’t in bijdrage jaan wol foar de ekstra kosten fan dizze ‘livestream’ kin dit oermeitsje nei it rekkennûmer: NL29INGB 0004 3194 90 fan Stichting Krúspunt, mei fermelding fan: ‘Fryske Fesper’.

Wy winskje mekoar wer in goede fiering ta, eltsenien fan herten wolkom. 

It begjint om 19.00 oere.
De earstfolgjende fiering sil wêze yn it oare jier op 25 jannewaris.

Snein: 30 novimber om 19.00 oere.
Foargonger: dûmny A.H.Boschma fan de Oase
Muzyk: Peter van der Zwaag (oargel)
              Theo Boelens (dwersfluit)
Lêzingen/foardracht: Tryntsje van der Veer
liturgy opfreegje by: fryskefesper@gmail.com